Антарктидага жакын жайгашкан Заводовский аралында ичке тумшуктуу пингвиндердин саны кескин азайган. Окумуштуулар муну климаттын өзгөрүшүнөн улам Түштүк океандагы экосистеманын өзгөрүшү менен байланыштырышат.
Британиянын Антарктика кызматынын (BAS) изилдөөсүнө ылайык, 2011–2025-жылдары аралдагы бул пингвиндердин ээлеген уяларынын саны 63%га азайган. Натыйжада алардын саны жарым миллиондон ашыкка кыскарган.
Адистердин айтымында, океандын жылышы пингвиндердин негизги азыгы болгон антарктикалык криллдин түштүккө жылышына алып келген. Ичке тумшуктуу пингвиндер азык үчүн бул аймакка ээрчип бара албай жаткандыктан, алардын саны азайууда.
Ал эми макаронник пингвиндеринин саны салыштырмалуу туруктуу бойдон калууда. Окумуштуулар муну алардын тамактануу рационунун ар түрдүү болушу менен түшүндүрүшөт. Алар криллден тышкары балык жана башка деңиз жаныбарлары менен да азыктана алышат.
Изилдөөчүлөрдүн маалыматына караганда, Түштүк Сандвич аралдарында дүйнөдөгү ичке тумшуктуу пингвиндердин болжол менен 30%ы жашайт. Окумуштуулар Заводовский аралындагы өзгөрүүлөр климаттын жылышы алыскы жана адам аз барган аймактарга да таасир берип жатканын көрсөтөрүн белгилешүүдө.
