АКШнын USS Gerald R. Ford авианосеци Иранга каршы аскердик операцияга катышкандан кийин Жакынкы Чыгыш аймагынан чыгып кетти. Бул тууралуу жергиликтүү маалымат каражаттары америкалык расмий өкүлгө таянып кабарлады.
Маалыматка ылайык, аймакта АКШнын дагы эки авианосеци калууда — USS Abraham Lincoln жана USS George H.W. Bush.
USS Gerald R. Ford деңизде 10 айдан ашык убакыт болгон. Бул Вьетнам согушунан бери америкалык авианосец үчүн эң узак аскердик кызмат өтөө мөөнөтү болуп эсептелет.
АКШнын деңиз күчтөрүнүн маалыматына караганда, 12-мартта кеменин негизги кир жуучу бөлмөсүндө чыккан өрттөн эки деңизчи жаракат алган.
