Улуттук банк апрель айынын аягына карата банк секторундагы насыя жана депозиттер боюнча акыркы маалыматтарды жарыялады. Бул тууралуу маалымат жыйынында төраганын орун басары Азат Козубеков билдирди.
Анын айтымында, өлкөдө насыя портфелинин көлөмү 569 млрд 800 млн сомду түзүп, жыл башынан бери 12 пайызга өскөн.
Ошондой эле апрель айынын аягына карата депозиттер 924 млрд сомго жетип, жыл башынан бери 6,7 пайыздык өсүштү көрсөткөн.
Мындан тышкары, депозиттердин долларлашуусу 18 пайызды, ал эми насыялардын долларлашуусу 12 пайыздын тегерегин түзөрү белгиленди.
