Грузиянын премьер-министри Ираклий Кобахидзе Кыргыз Республикасынын президенти Садыр Жапаровдун чакыруусу менен Кыргызстанга биринчи расмий сапар менен келди.
Жогорку даражалуу конокту Манас эл аралык аэропортунда Министрлер кабинетинин төрагасы – Президенттин администрациясынын жетекчиси Адылбек Касымалиев тосуп алды.
Белгиленгендей, бул дипломатиялык мамилелер түзүлгөндөн бери Грузия өкмөт башчысынын Кыргызстанга жасаган алгачкы расмий сапары болуп саналат.
Сапардын алкагында кыргыз-грузин кызматташтыгынын учурдагы абалы жана аны мындан ары өнүктүрүү маселелери талкууланары күтүлүүдө.
