Норвегиянын королу Харальд V 89 жашында дүйнөдөн кайтты. Бул тууралуу падышалык үй-бүлөнүн басма сөз кызматы билдиргени маалымдалды.
Монарх жума күнү эртең менен Осло шаарындагы университеттик ооруканада саат 06:35 чамасында көз жумган. Ал ооруканага дээрлик эки жума мурда гемолитикалык анемия диагнозу менен оор абалда жаткырылган.
Харальд V акыркы жылдары ден соолугуна байланыштуу бир катар көйгөйлөргө туш болгон. 2003-жылы табарсыктагы рак оорусуна байланыштуу операция жасалса, 2024-жылы ага кардиостимулятор орнотулган. Ошого карабастан, ал тактыдан баш тартуу ниети жок экенин бир нече жолу билдирген.
Харальд V 1991-жылы Норвегиянын тактысына отурган. Ал Норвегияда XIV кылымдан бери төрөлгөн алгачкы норвегиялык король болгон. Ошондой эле көзү өткөнгө чейин Европадагы эң улуу курактагы бийликтеги монарх катары саналган.
