ОАЭ менен Ирандын ортосунда жогорку деңгээлдеги жолугушуу өттү. Абу-Дабинин мураскор ханзаадасы шейх Халед бин Мохамед бин Заид Аль Нахайян Иран президенти Масуд Пезешкян менен БРИКС саммитинин алкагында сүйлөштү.
Бул эки өлкөнүн ортосунда АКШ жана Израилдин Иранга каршы согушу башталгандан берки алгачкы жогорку деңгээлдеги жолугушуу болду.
ОАЭнин дипломатиялык маселелер боюнча кеңешчиси Анвар Гаргаш эки өлкөнүн ортосундагы ишенимди калыбына келтирүү оңой болбой турганын, бирок географиялык жактан диалог зарыл экенин билдирди.
Буга чейин, 19-августта, ОАЭ Иран менен соода жана каржы байланыштарын үзгөн. Ошол эле учурда Абу-Даби Иран менен тирешүүнү күчөтүүдөн көрө тобокелдиктерди диалог аркылуу башкарууга кызыкдар экенин билдирүүдө.
Ошондой эле Иран менен ОАЭ БРИКСтин мүчөлөрү катары дүйнөлүк соода, энергетикалык коопсуздук жана Ормуз кысыгындагы эркин кеме жүрүүсүн камсыз кылуу маселелерин талкуулап жатышат.
