Кытайдын төрагасы Си Цзиньпин АКШга мамлекеттик сапар менен барып, 23-сентябрда Мэриленд штатындагы Джойнт-Бейс Эндрюс авиабазасына конду. Аны АКШ президенти Дональд Трамп жана биринчи айым Мелания Трамп тосуп алды.
Си Цзиньпин жубайы Пэн Лиюань менен кызыл килем төшөлгөн салтанаттуу аянтчадан өттү. Иш-чарада АКШ менен Кытайдын мамлекеттик желектери илинип, ардактуу караул тизилди. Эки өлкөнүн мамлекеттик гимндери жаңырып, салтанаттын жүрүшүндө аскердик авиациянын учуп өтүүсү уюштурулду.
АКШнын Коргоо министрлигинин маалыматына ылайык, салтанат маалында америкалык B-1B Lancer бомбалоочу учактары авиабазанын үстүнөн учуп өткөн.
Трамптын Си Цзиньпинди түздөн-түз авиабазанын учуп-конуу тилкесинен тосуп алышы өзгөчө дипломатиялык кадам катары бааланууда. АКШ президенттери чет өлкөлүк лидерлерди адатта Ак үйдө кабыл алышат.
Си Цзиньпиндин АКШга сапары 23–25-сентябрга пландалган. Сапардын алкагында эки өлкөнүн лидерлери соода-экономикалык мамилелерди, технология, жасалма интеллект жана башка эки тараптуу маселелерди талкуулашы күтүлүүдө.
Бул Си Цзиньпиндин 2015-жылдан берки АКШга жасаган алгачкы мамлекеттик сапары болуп саналат.
