Табигый илимдер жана математика предметтери боюнча жалпы 238 миң 430 нуска иш дептери басылып чыгарылды. Бул тууралуу Агартуу министрлигине караштуу «Окуу китеби» басма үйү» мамлекеттик мекемесинен билдиришти.
Маалыматка ылайык, 2-класстын окуучулары үчүн «Табигый илимдер» предмети боюнча кыргыз тилинде билим алган окуучуларга 88 миң 505 нуска, орус тилинде билим алган окуучуларга 56 миң 175 нуска даярдалган.
Мындан тышкары, 8-класстын окуучулары үчүн «Математика» предмети боюнча орус тилдүү класстарга 93 миң 750 нуска иш дептери басылып чыккан.
Басылып чыгарылган окуу-методикалык комплекттер аймактардагы мектептерге жеткирилип, окуучуларга таратылат.
