16-май күнү Гапар Айтиев атындагы Кыргыз улуттук көркөм сүрөт искусство музейинде «Музейлер түнү – 2026» маданий иш-чарасынын алкагында чыгармачыл сынак өтөт.
Иш-чарада катышуучулар дүйнөлүк живопись жана искусстводон шыктанган образдарды жаратып, белгилүү сүрөттөрдүн каармандары же Ренессанс доорунун стилдерин жандандырып көрсөтө алышат. Сынактын максаты — искусствону жаңыча форматта таанытуу жана көрүүчүлөрдү чыгармачылыкка тартуу.
Катышуу үчүн коноктор атайын костюм менен келип, музей аймагында сторис тартып, Instagram баракчасында @aitievmuseum_ аккаунтун белгилеши керек.
Жеңүүчүлөр саат 21:00дө музейдин экинчи кабатындагы башкы залда аныкталып, мыкты образдарга байгелер тапшырылат.
