Япония Ирандагы окуялардан улам экономикалык жана энергетикалык кыйынчылыктарга туш болгон Сауд Аравиясына жана Перс булуңундагы дагы беш өлкөгө колдоо көрсөтүү үчүн комплекстүү кызматташтык планын даярдайт. Бул тууралуу Япониянын тышкы иштер министри Тосимицу Мотэги билдирди.
Мотэги Эр-Риядда Сауд Аравиясынын тышкы иштер министри Фейсал бин Фархан Аль Сауд менен жолугушуп, энергетика жана экономикалык кызматташтык маселелерин талкуулады.
Япония POWERR Asia демилгесинин алкагында Азия аймагындагы мунай запастарын көбөйтүүнү көздөп жатканын билдирди. Ошондой эле Токио энергия ресурстарына бай Сауд Аравиясы менен кызматташтыкты кеңейтүүгө кызыкдар.
Сауд Аравиясы өз кезегинде эл аралык рынокко, анын ичинде Японияга энергетикалык ресурстарды үзгүлтүксүз жеткирүүгө оң мамиле кыларын билдирди.
Тараптар Ирандагы кырдаалга байланыштуу Ормуз кысыгы аркылуу кемелердин коопсуз жана эркин өтүшүн камсыз кылуу маанилүү экенине макул болушту. Япония ошондой эле АКШ менен Ирандын ортосунда акыркы келишимге мүмкүн болушунча тез жетишүү үчүн дипломатиялык аракеттерди улантарын билдирди.
