Орусиянын президенти Владимир Путин 31-августтан 1-сентябрга чейин Бишкекте өтө турган Шанхай кызматташтык уюмунун саммитине катышууну пландап жатат. Бул тууралуу Кремлдин басма сөз катчысы Дмитрий Песков билдирди.
Песковдун айтымында, Путиндин саммитке катышуусу ырасталган, ал эми иш-чаранын алкагындагы эки тараптуу жолугушуулардын графиги азырынча жарыялана элек.
Кремль өкүлү саммит мазмундуу жана таасирдүү өтөрүн белгиледи.
ШКУ саммитине мүчө мамлекеттердин мамлекет башчылары катышат. Путин буга чейин уюмдун ролу кеңейип, эл аралык деңгээлде таасирдүү түзүмгө айланганын белгилеп, Бишкекте өтө турган саммиттин ийгиликтүү өтөрүнө ишеним билдирген.
