Meta компаниясы АКШнын 47 штаты, Колумбия округу жана бир катар аймактар менен социалдык тармактардын балдарга тийгизген таасири боюнча сот ишин жөнгө салды.
Келишимге ылайык, компания баштапкы этапта болжол менен 12 млрд доллар төлөйт. Эгер Snapchat, TikTok жана YouTube да ушундай келишимдерге кошулса, жалпы төлөм 17,1 млрд долларга чейин жетиши мүмкүн.
Мындан тышкары, Meta өспүрүмдөрдүн Facebook жана Instagram колдонуу убактысын чектөөгө, түнкүсүн жана сабак учурунда айрым билдирмелерди өчүрүүгө жана психикалык ден соолукка терс таасир этиши мүмкүн болгон функцияларды өзгөртүүгө макул болду.
Келишим АКШда социалдык тармактардын балдарга тийгизген зыяны боюнча ири сот иштеринин бири аяктаганын билдирет. Ошол эле учурда Meta башка штаттардын, мектептердин жана жеке адамдардын доолору боюнча соттук талаштарды улантууда.
